TVB日前公布上半年業績，曾志偉話仲摸索緊市場，目前自評只會俾自己50分。
ViuTV《全民造星》發掘嘅MIRROR同ERROR人氣熱爆全城，曾志偉話TVB之後都會重點發展選秀節目，仲話要將TVB變成「世界選拔總部」喎！
佢亦指有興趣參考ViuTV成本控制：「點樣可以咁平拍節目都有人睇。」不過佢強調TVB係合家歡台，節目適合8個月大嘅BB，到88歲嘅銀髮族，節目題材唔能夠太偏鋒：「都係嗰句，唔好教壞細路。」
4月時佢曾指ViuTV節目題材偏門，例如《口罩小姐》：「我地選香港小姐就係香港小姐，唔會戴住口罩，所以J2台先係同ViuTV比較收視嘅地方。」結果引嚟193串爆！